Tarazda mas kúıinde BMW tizgindegen júrgizýshi polıtsııamen jaryspaq boldy

TARAZ. KAZINFORM — Jol qozǵalysyna qaýip tóndiretin BMW kóligi patrýldik polıtsııa ekıpajynyń nazaryna ilikken. Zań talabyna saı jol saqshylary kólikti toqtatýǵa árekettengen, alaıda tártipke baǵynbaǵan júrgizýshi boı tasalap, qashyp ketýge tyrysqan. Bul týraly Polisia.kz jazdy.

— Quqyq qorǵaý qyzmetkerleri kólikti toqtatyp, júrgizýshini ustady. Tekserý barysynda er adamnyń alkogol iship, masań kúıde bolǵany anyqtaldy. Onyń áreketi aýyr zardaptarǵa ákelýi múmkin edi, alaıda polıtseılerdiń qyraǵylyǵy men kásibıliginiń arqasynda toqtaý boldy. Júrgizýshige kólikti mas kúıde basqarǵany, polıtsııa qyzmetkeriniń zańdy talabyna baǵynbaǵany jáne qarsy baǵytqa shyqqany úshin ákimshilik jaýapkershilik júkteldi, — delingen habarlamada.

Avtokólik arnaıy aıyp turaǵyna qoıyldy. 

Eske sala keteıik, búgin Aqtóbede joldy kesip ótpek bolǵan stýdentti kólik qaǵyp, kóz jumdy.