Tarazda mas kúıinde tóbeleskender kameraǵa túsip qalǵan
TARAZ. QazAqparat – Tarazda iship alyp tóbelesken er adamdar qalalyq jedel basqarý ortalyǵynyń kamerasyna túsip qalǵan, dep habarlaıdy QazAqparat tilshisi.
Beıne baqylaý barysynda Taraz qalasy Polıtsııa basqarmasynyń «102» jedel basqarý ortalyǵynyń kezekshisi tańǵy saǵat 07:00 shamasynda eki er adamnyń arasyndaǵy tóbelesti baıqaǵan.
Urys-keris kezinde janjalǵa qatysýshylardyń biri ekinshisine dene jaraqatyn salyp, oqıǵa ornynan jasyrynýǵa tyrysqan.
Oblystyq polıtsııa departamentiniń baspasóz qyzmeti habarlaýynsha, qaqtyǵys bolǵan jerge dereý kelgen patrýlder olardy qolǵa túsirdi. Belgili bolǵandaı, er adamdar mas bolǵan.
«Taraz qalasynyń 27 jastaǵy turǵyny izin sýytpaı ustaldy. Atalǵan derekke qatysty Qazaqstan Respýblıkasy Qylmystyq kodeksiniń 293-baby 3-bóligi
(Buzaqylyq) boıynsha sotqa deıingi tergeý amaldary bastaldy»,-delingen vedomtsvo habarlamasynda.
Kúdikti ýaqytsha ustaý ızolıatoryna qamaqqa alyndy, onyń basqa da qylmystarǵa qatystylyǵy tekserilýde. Tergeý amaldary júrip jatyr.
