Tarazda «Máńgilik el» ulttyq ıdeıasyna arnalǵan kitap jaryq kórdi
ASTANA. QazAqparat - Tarazda «Máńgilik el» ulttyq ıdeıasynyń ǵylymı-teorııalyq negizderi» atty jańa oqý quraly jaryq kórdi. Kitap avtorlary - tarıh ǵylymdarynyń doktory, professor Darııa Qojamjarova, pedagogıka ǵylymdarynyń doktory, professor Tursynaı Ábdiqadyrova jáne ǵylym magıstri Edilbek Ábdimomynov.
Kitapta túrkilik dáýirden qalyptasyp, búginde elimizdi mekendegen barlyq ult pen ulystardy uıystyryp otyrǵan «Máńgilik el» ıdeıasynyń túp tórkini tolyqqandy baıandalyp, onyń máni men mańyzy, maqsaty men múddesi tóńireginde oramdy oılar aıtylǵan. Sonymen qatar, ǵylymı-teorııalyq negizderi saralanyp, túıin-tujyrymdar jasalǵan.
Oqý quraly 3 bólimnen turady. Onda «Máńgilik el» ıdeıasynyń tarıhı negizderin anyqtaýdaǵy ǵylymı izdenister, Alash qaıratkerleri muralaryndaǵy kontseptýaldyq tendentsııasynyń «Máńgilik el» muratymen rýhanı úndestigi jan-jaqty qamtylǵan. Sondaı-aq, belgili ǵalymdardyń ulttyq qundylyqtar jaıyndaǵy irgeli zertteý eńbekteri de toptastyrylǵan.
«Maqsatymyz - stýdentterge «Máńgilik el» ulttyq ıdeıasynyń dúnıege kelýin, onyń tarıhı mańyzyn jete uǵyndyrý arqyly olardyń azamattyq pozıtsııasyn qalyptastyrý. Bul óz kezeginde jastardyń ulttyq sana-sezimi men patrıotızmin damytýǵa, olardyń tarıhı jáne áleýmettik jadysyn shyńdaýǵa sep bolmaq. Búginde ustaz qaýymynyń aldyna shákirtterge «Máńgilik el» uǵymyn elimizdi mekendeıtin barlyq halyqtar qacterleıtin jetekshi ıdeıa retinde túsindirip, onyń ǵylymı negizdemecin jacap arnaıy oqytý mindeti qoıyldy. Dál ocy kózqarac turǵycynan qaraǵanda elimizdiń joǵary oqý oryndarynda bilim alyp jatqan jastarǵa óz mamandyǵyna saı bilim berip qana qoımaı, olardyń ulttyq cana-cezimin qalyptactyratyn arnaıy oqý quraldary men tanymdyq dúnıeler shyǵarý qajettiligi týyndap otyr», - dep atap ótti kitap avtorlary.
