Tarazda latyn álipbıine kóshý taqyrybynda halyqaralyq konferentsııa ótti

TARAZ. QazAqparat – Tarazda ótken halyqaralyq konferentsııada latyn grafıkasyna negizdelgen jańa qazaq álipbıine qatysty máseleler talqylandy, dep habarlaıdy QazAqparat tilshisi.

Sharaǵa qyrǵyz, ózbek elderiniń ǵalymdarymen qatar Túrki akademııasynyń sarapshylary qatysty. Konferentsııa túrki halyqtarynyń ortaq ádebı, mádenı, tarıhı qundylyqtaryn nasıhattap, latyn álipbıine kóshken eldermen tájirıbe almasýǵa baǵyttaldy. Ǵalymdar jańa álipbıdi jasaý kezinde túrki jurtynyń dybystyq quramy, ortaq erejeleri saqtalýy tıis dep sanaıtyndyqtaryn jetkizdi.

«4-5 joba saraptamadan ótip jatyr. Ol jobalardyń bárinde kemshilik bar. Óıtkeni tańba jasandy. Jasandy tańba alýǵa bolmaıdy. Ol árbir dybystyń álemı dástúri qalyptasqan tańbasy bar. Sodan shyǵyp ketpeýimiz kerek. Al endi kez kelgen dybysqa tańbanyń astynan, ústinen belgi qoıyp ondaı álipbı jasaı berý ol eń ońaı joly. Sondyqtan da qazir mamandar kirisip jatyr»,-deıdi fılologııa ǵylymdarynyń doktory Álimhan Júnisbek.

Sondaı-aq, otandyq ǵalymdar eń bastysy tildiń ulttyq tabıǵatyn ustaný mańyzdy. Durys jasalǵan álipbıden saýatty emle shyǵatynyn alǵa tartty.

«Jappaı halyqty latyn álipbıine, jazýǵa tezirek úıretý, olardyń daǵdylaryn qalyptastyrý maqsatynda ústimizdegi jyly úsh ret jappaı dıktant jazý aktsııasyn ótkizdik. Ol aktsııaǵa 266649 adam qatysty»,- oblystyq tilderdi damytý basqarmasy basshysynyń mindetin atqarýshy Nábıra Súımanova.