Tarazda qyzmettik kólikti aıdap ketken jasóspirimder ustaldy
TARAZ. QazAqparat - Tarazda qyzmettik kólikti urlap ketken kámeletke tolmaǵandar ustaldy, dep habarlaıdy QazAqparat Jambyl oblystyq polıtsııa departamentiniń baspasóz qyzmetine silteme jasap.
PD baspasóz qyzmetiniń málimetinshe, on alty jastaǵy 5 jasóspirim medıtsınalyq mekemelerdiń birine tıesili qyzmettik kóliktiń terezesin syndyryp, kólikti aıdap ketken. Kúdiktiler jedel izdestirý nátıjesinde bir saǵattyń ishinde qolǵa túsken.
«Oqıǵa kezinde kináliler mashınany tastap qashyp, jasyrynyp qalýǵa tyrysqan. Alaıda olardyń tórteýi qolǵa tústi, bireýi izdestirilip jatyr. Qolǵa túskender óz qylmystaryn moıyndap, tek qyzyq kórip, serýen qurý úshin osyndaı áreketke barǵandaryn aıtyp, aqtalǵan», - delingen habarlamada.
Oqıǵaǵa qatysy bar jasóspirimder úı qamaǵyna alyndy.
