Tarazda kúıip qalǵan balanyń terisi almastyrylatyn boldy
TARAZ. QazAqparat - Jambyl oblystyq Іshki ister departamentiniń ókilderi 6 jasar balany jaǵyp jiberý oqıǵasyna baılanysty pikir bildirdi, dep habarlaıdy QazAqparat.
Aıta keteıik, 17 maýsym kúni Taraz qalasynyń №2 aýrýhanasynyń kúıik bólimine denesiniń kóp bóligin kúıik shalǵan 6 jasar bala tústi. Dárigerler oǵan «kúıik shalyp, 1-2 dárejede esinen tanyp, basy, moıny, arqasy men eki ıyǵynan, denesiniń 18% 2-3 dárejedegi kúıik shalǵan» degen dıagnoz qoıǵan.
«Atalǵan fakti Taraz qalalyq ishki ister basqarmasynyń sotqa deıingi tergeýdiń biryńǵaı reestrine engizilip, QR QK 107 baby, 2 bóligi negizinde qylmystyq is qozǵaldy»,-dep túsindirdi quqyq qorǵaý vedomstvosynyń ókilderi.
«Atalǵan baptyń 2-shi bóligi «Denege qasqana orta dárejedegi jaraqat salý» jazasyn qarastyrady jáne kámeletke tolmaǵan balaǵa ádeıi uıymdastyrylǵan áreket retinde qarastarylady. Osy áreket úshin 2 myń AEK kóleminde aıyppul tóleý nemese osy kólemde túzeý maqsatynda jumystar atqarý, 3 jylǵa deıin bostandyǵyn shekteý nemese osy merzimge qamaýǵa alý jazasy taǵaıyndalady».
Al ázirge kinániń kimge taǵylatyny belgisiz. Balanyń óziniń sózinshe, ol tez tutanatyn zatpen oınap jatqan kezde jasy 7-ge tolǵan kórshi úıdiń balalary kelip, oǵan ot qoıǵan. Qazirgi tańda tergeý jumystary oqıǵanyń kýágerleriniń joqtyǵy saldarynan balalar men olardyń ata-analarynyń aıtqandary negizinde ǵana júrgizilýde. Sóıtip, birshama qıynshylyqtar týyndaýda»,-dedi Jambyl oblystyq ІІD-niń ókilderi.
Jambyl oblystyq Densaýlyq saqtaý basqarmasynyń málimetteri boıynsha, dárigerler balanyń jaǵdaıyn aýyr biraq turaqty dep baǵalap otyr. Endi onyń terisin almastyrý kerek, bul óte kúrdeli operatsııa.
