Tarazda qutqarýshylar órt kezinde 30-ǵa jýyq adamdy evakýatsııalady

TARAZ. KAZINFORM — Tarazda TJM qutqarýshylary órt kezinde 30-ǵa jýyq adamdy evakýatsııalady. Bul týraly TJM baspasóz qyzmeti habarlady.

Búgin Jansaıa yqsham aýdanynda qoqystyń janýy saldarynan kóppáterli turǵyn úı tútinge orandy.

— Kelgen órt sóndirýshiler qoqystyń janýyn jedel túrde sóndirip, baspaldaq marshymen tútindi kireberisten 27 adamdy, onyń ishinde 6 balany evakýatsııalady, — delingen habarlamada. 

Zardap shekkender joq. Órttiń sebebi anyqtalyp jatyr.

Aıta ketelik jyl basynan beri 52 adam órtten mert bolǵan edi.