Tarazda kúshti jelden aǵashtar qulap, ǵımarattyń shatyry ushqan
TARAZ. QazAqparat - Tarazda qutqarýshylar qalpyna keltirý jumysyn júrgizip jatyr, dep habarlaıdy QazAqparat.
28 qarashada kezekshi qyzmetine kúshti jelden (ekpini 30 m/s deıin) Taraz qalasy Nıetqalıev kóshesindegi 80 m2 aýmaqtaǵy shatyr jabyndysynyń qulaǵany jóninde habarlama kelip túsken. Bul jóninde Jambyl oblysy tótenshe jaǵdaılar departamentiniń Instagram paraqshasynda habarlandy.
Sondaı-aq, Qazybek bı kóshesinde jáne «Araı-2» ıinindegi kópqabatty úıler aýmaǵynda tal qulaǵany belgili boldy.
Oqıǵa ornyna jedel túrde qutqarýshylar shyǵyp, tıisti qalpyna keltirý jumysyn júrgizdi.
Jaraqat alǵandar men zardap shekkender týraly aqparat joq.
