Tarazda kúres túrlerinen Qazaqstan kýbogy ótedi

ASTANA. KAZINFORM - 11 qarashada Tarazda  kúres túrlerinen Qazaqstan Respýblıkasynyń kýbogy bastalady, dep habarlaıdy Ulttyq olımpıadalyq komıtet.

Týrnırge grek-rım, erkin jáne áıelder kúresiniń ókilderi qatysady. Sporttyń ár túrinen on salmaq dárejesinde medaldar sarapqa salynady.

11 qarashada «klassıkter» arasynda jarystar bastalady. Al 13 qarashada áıelder arasyndaǵy úzdikter anyqtalady. Kýbokty qorytyndylaıtyn erkin kúres sheberleri, 14 qarashada júldeli oryndar úshin kúresedi.

Qazaqstandyq balýan Erjet Jarylqasyn Birikken kúres áleminiń (UWW) jańartylǵan álemdik reıtınginde birinshi orynǵa kóterilgenin jazǵan bolatynbyz.