Tarazda kún qatty sýytyp ketti
TARAZ. QazAqparat - Jambyl oblysy men Taraz qalasynyń aýmaǵynda aýa temperatýrasy kúrt tómendep ketti, dep habarlaıdy QazAqparat HAA.
Osyǵan deıin aımaqta kún jyly bolyp turǵan. Sınoptıkter habarlaǵan jyldamdyǵy sekýndyna 30 metrge jetetin jelden soń kún qatty sýytyp, qar qalyń jaýdy. Jol kóktaıǵaqqa aınaldy. Sınoptıkterdiń boljamy boıynsha, Tarazda jáne oblysta qańtar aıynyń sońyna deıin kún sýyq bolady.
Osyndaı jaǵdaıǵa qaramastan Jambyl oblystyq Tótenshe jaǵdaılar departamenti qyzmetkerleriniń habarlaýynsha, Jambyl oblysyndaǵy respýblıkalyq jáne oblystyq mańyzdaǵy barlyq trassalar men Qordaı, Kúıik, Shaqpaq jáne Hantaý shatqaldarynda jol ashyq.
Jambyl oblysynyń taýly aımaqtarynda qardyń qalyń túsýine baılanysty kóshkin júrý qaýipi bar.
«Qazgıdromet» RMK-nyń málimetteri boıynsha, Jambyl oblysynyń aýmaǵynda qar jaýyp, tuman túsip, boran soǵyp, kóktaıǵaq bolýy yqtımal. Jel ońtústik batystan, batystan soǵady. Túnde aýa temperatýsy 13 gradýsqa deıin sýytady. Kúndiz kún 5 gradýsqa deıin birshama jylı túsýi múmkin.
Tarazda qar jaýady, tuman túsip, kóktaıǵaq bolady. Aýa temperatýrasy túnde -1, -3, kúndiz 0-2 gradýs sýyq.
