Tarazda krımınaldyq polıtsııa qyzmetkerleri adam jábirlegeni úshin sottaldy
TARAZ. QazAqparat – Taraz qalasy ІІB krımınaldyq polıtsııa bóliminiń jedel-izdestirý bólimshesiniń bastyǵy men jedel ókili adam jábirlegeni úshin sottaldy, dep habarlaıdy QazAqparat.
Buǵan deıin Qazaqstan Respýblıkasy Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti Taraz qalasy ІІB krımınaldyq polıtsııa bóliminiń jedel-izdestirý bólimshesiniń bastyǵy, polıtsııa kapıtany S. Beısekeevke jáne atalmysh bólimniń jedel ókili, polıtsııa leıtenanty A. Qudaıbergenovke qatysty sotqa deıingi tergeý júrgizgen edi.
Beısekeev pen Qudaıbergenov ózara aldyn ala kelisip, qylmystyq istiń kýágerin moıyndatý úshin ony jábirlegen.
29 shilde kúni Taraz qalasynyń №2 sotynyń úkimine sáıkes, Beısekeev pen Qudaıbergenovti 3 jylǵa bas bostandyǵynan aıyrý týraly sheshim qabyldandy. Sottalýshylar jazasyn qaýipsizdigi ortasha mekemede óteıtin bolady.
Sottalýshylarǵa 3 jylǵa deıin qandaı da bir laýazym atqarýǵa jáne belgili bir ispen aınalysý tyıym salyndy, sondaı-aq, olar arnaıy «kapıtan» jáne «leıtenant» laýazymdarynan aıyryldy.
