Tarazda kranǵa shyǵyp alǵan er adam óz-ózine qol jumsamaq boldy

ASTANA. KAZINFORM — TJM qutqarýshylary óz-ózine qol jumsaý áreketiniń aldyn aldy, dep habarlaıdy vedomstvonyń baspasóz qyzmeti.

Búgin Jambyl oblysynyń «112» qyzmetine Taraz qalasynda Sátbaev kóshesi men Jambyl dańǵylynyń qıylysyndaǵy, 4 qabattaǵy munaraly kranǵa ózin baılaǵan er adamnyń óz-ózine qol jumsaý áreketi týraly habarlama kelip tústi.

— Oqıǵa ornyna shuǵyl túrde TJM kúshteri jiberildi. Kelgen jedel-qutqarý jasaǵynyń qutqarýshylary men psıhologtar er adammen áńgimelesip, onyń nazaryn aýdardy. Sodan keıin qutqarýshylar alpınıstik qural-jabdyqtardy qoldana otyryp er adamdy túsirip, polıtsııa qyzmetkerlerine tapsyrdy, — delingen habarlamada.

Buǵan deıin Jańaózende lýdoman óz-ózine qol jumsaǵanyn jazdyq.

Sonymen qatar, Aqtóbede tergeý ızolıatorynda bala zorlaý isinde kúdikti sýıtsıd jasaǵany habarlandy.