Tarazda kóppáterli turǵyn úıdiń kireberisinen er adamnyń máıiti tabyldy
TARAZ. QazAqparat -Taraz qalasynda 26 sáýir kúni saǵat 10.00 shamasynda shaǵyn aýdandardyń birinde er adamnyń máıiti tabyldy,dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Oqıǵa ornyna kelgen polıtsııa qyzmetkerleri 50 jastaǵy er adamnyń pyshaq jaraqatynan qaza tapqanyn anyqtady.
«Jedel-izdestirý is-sharasy barysynda Taraz qalalyq PB krımınaldyq polıtsııa bóliminiń qyzmetkerleri QR QK 259-baby boıynsha 2000 jyly sotty bolǵan 45 jastaǵy kúdiktini ustady. Anyqtalǵandaı, birge spırttik ishimdik ishken olardyń arasynda janjal týyndap, biri ekinshisine pyshaq suqqan. Jaralanǵan er adam páterden shyǵyp, kireberiste qulaǵan»,-delingen vedomstvo habarlamasynda.
Osy oqıǵa boıynsha QR QK 99-baby 1-bóligine sáıkes sotqa deıingi tergeý bastalyp, sot saraptamasy taǵaıyndaldy.
