Tarazda kópqabatty úıde gaz jarylyp, 2 adamdy kúıik shaldy
TARAZ. QazAqparat - Tarazdyń «Samal» móltekaýdanyndaǵy №6 kópqabatty úıde gaz jarylyp, eki adam kúıip qaldy, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, oqıǵa keshe saǵat 22:00 shamasynda oryn alǵan.
«Samal» móltekaýdanyndaǵy bes qabatty turǵyn úıdiń birinshi qabatynda ornalasqan eki bólmeli páterde plıtadan gaz shyǵyp, gaz ben aýa qosyndysynyń jarylysy boldy», - delingen habarlamada.
Jarylys saldarynan as bólme men qonaq bólmeniń áınekteri qıraǵan. Sondaı-aq, 1974 jyly jáne 1984 jyly týǵan eki azamat kúıik alyp, aýrýhanaǵa tústi. Páterde bolǵan ózge de turǵyndar men jas balalar zardap shekpegen.
Aıta keteıik, oqıǵa ornyna atalmysh departamenttiń 16 qyzmetkeri men 5 tehnıkasy, jedel tergeý tobynyń 4 qyzmetkeri men 1 tehnıkasy jumyldyryldy.
