Tarazda kópqabatty turǵyn úıdiń bir kireberisi karantınge jabyldy
TARAZ. QazAqparat –Tarazda buǵan deıin koronavırýs ınfektsııasy anyqtalǵan 86 jastaǵy áıel turǵan «Qarasý alqaby» shaǵyn aýdanyndaǵy kóppáterli turǵyn úıdiń kireberisi karantınge jabyldy. Qazir naýqas ınfektsııalyq statsıonarda em alýda, dep habarlaıdy QazAqparat oblys ákimdigine silteme jasap.
Epıdemıologııalyq tekserý barysynda onyń 17 naýryzda Almatydan kelgen jaqyn týysymen baılanysta bolǵany anyqtaldy. Baılanysta bolǵan barlyǵy 5 adam anyqtalyp, karantınge ornalastyryldy.
Podez ben páterde dezınfektsııalaý júrgizildi. Osy podezdegi 27 turǵyny 14 kúnge oqshaýlanyp, páterinen shyǵýǵa tyıym salyndy. Olarmen tıisti mamandar áńgimelesip, ózin-ózi oqshaýlaýdyń mańyzyn túsindirdi. Podezde polıtsııa qyzmetkerleri kezekshilik etýde.
Turǵyndardy Taraz qalasynyń ákimdigi qajetti azyq-túlikpen qamtamasyz etedi.
Jalpy óńirde 45 koronavırýs oqıǵasy tirkelgen. Onyń ishinde 11 adam shekaralyq ótkizý beketinen ótkende anyqtalǵan. Al 6 adam Delıden kelgen. Taraz qalasynda 5 oqıǵa, Qordaı aýdanynda – 18, Merki aýdanynda – 2, Shý, Moıynqum jáne Jambyl aýdanynda – bir-bireýden tirkelgen.
