00:08, 10 Tamyz 2025 | GMT +5
Tarazda kópqabatty úı órtenip, eki turǵyn aýrýhanaǵa tústi
ASTANA. KAZINFORM — Taraz qalasy Aıtıeva kóshesinde ornalasqan bes qabatty turǵyn úıdiń ekinshi qabatyndaǵy páterde órt shyqty, dep habarlaıdy oblystyq TJD baspasóz qyzmeti.
Oqıǵa ornyna jedel jetken TJD qyzmetkerleri órtti tolyq sóndirdi.
— Tútin basqan páterlerden 4 adam, onyń ishinde bir múgedek qutqaryldy. Zardap shekkenderdi «Apattar medıtsınasy ortalyǵy» brıgadasy qarap, ekeýi aýrýhanaǵa jetkizildi. Sonymen qatar 25 turǵyn óz betimen úıden shyǵyp úlgergen, — delingen vedomstvo habarlamasynda.
Qutqarýshylardyń úılesimdi jáne shuǵyl áreketi aýyr zardaptardyń aldyn alýǵa múmkindik berdi.
Osyǵan deıin Jambyl mektepterine órt qaýipsizdigi erejelerin buzǵany úshin taǵy da aıyppul salynǵany belgili boldy.