Tarazda kópbalaly analarǵa 90 páterli eki jataqhana paıdalanýǵa berildi
Aıta keteıik, El Prezıdenti Qasym-Jomart Toqaev óz qyzmetine resmı kirisý rásiminde turǵyn úı máselesin sheshý boıynsha túrli sanattaǵy azamattardyń qoljetimdi baspanaǵa ıe bolýyna aıryqsha nazar aýdarylatynyn basa aıtqan bolatyn.
«Jyl basynda oblys ákimi Asqar Myrzahmetov kópbalaly analarmen kezdesip, bıyl jambyldyqtarǵa 8 jataqhana beriletinin málim etken bolatyn. Óz ýádesinde turǵan óńir basshysynyń tapsyrmasyna sáıkes kúni keshe «Qarasý» shaǵynaýdanynda 45 páterli 2 jataqhana el ıgiligine berildi. Osylaısha talaı jyldan beri kezekte turǵan jandar baspanaly boldy. Halyqtyń áleýmettik jaǵynan osal toptaryna arnalǵan 90 páter oblystyń 80 jyldyq mereıtoıyna oraı 80 nysan aıasynda berilip otyr» delingen baspasóz qyzmetiniń habarlamasynda.
Asqar Isabekuly turǵyndarǵa kilt tapsyrý saltanatynda paıdalanýǵa berilgen árbir jataqhananyń kádimgi eki bólmeli páter retinde boı kótergenin tilge tıek etip, árqaısysynyń aýdany 35-40 sharshy metrdi quraıtynyn jetkizdi. Sondaı-aq olardy jaldaý quny 3500 teńgeden aspaıdy. Muqtaj otbasylar bul jataqhanalardy páter kezegi kelgenshe panalaı alady.
Budan bólek, halyqty qoljetimdi turǵyn úımen qamtamasyz etý týraly Prezıdent tapsyrmasyna sáıkes Taraz qalasynda aýqymdy jumystar atqarylyp jatyr. Shahar boıynsha bıyl jyl sońyna deıin árqaısysy 80 páterli 4 áleýmettik turǵyn úı beriledi.
Kópbalaly otbasylarǵa arnalǵan «Baqytty otbasy» baǵdarlamasy boıynsha - 323, sonymen qatar qaıtalama naryqtan - 144 páter satyp alyndy.
Qazirgi tańda «Qarasý» jáne «Araı» móltekaýdandarynda kópbalaly otbasylarǵa arnalǵan 6 kópqabatty áleýmettik jataqhananyń qurylysy júrip jatyr.
Búgin paıdalanýǵa berilip otyrǵan 45 páterli jataqhananyń ár páterinde zal men jatyn bólmeler, sonymen qatar óz as úıi, ájethanasy men jýynatyn bólmesi bar.
