Tarazda kólik basqarǵan jasóspirim polıtseılerden qashýǵa tyrysty

TARAZ. KAZINFORM — Tarazda Mercedes kóligin tizgindegen jasóspirim jol qozǵalysy erejesin buzyp, patrýldik polıtseılerdiń toqtaýyn elemegen. Alaıda kámeletke tolmaǵan bala kóp uzamaı ustaldy.

Polıtseıler qala kóshelerin aralaý kezinde júrgizýshisi jol erejesin óreskel buzǵan Mercedes-Benz kóligin baıqaıdy. Ol toqtaý týraly ótinishti elemeı, qarsy kólikke shyǵyp, qashýǵa árekettengen.

Qala kóshelerin aralap kete jatqan patrýldik polıtsııa qyzmetkerleri júrgizýshisi jol qozǵalysy erejelerin óreskel buzǵan Mercedes-Benz kóligine nazar aýdardy. Toqtaý talabyn elemegen júrgizýshi qarsy jolaqqa shyǵyp, jasyrynýǵa tyrysty. Alaıda kólik tez arada toqtatyldy.

Belgili bolǵandaı, kólikti júrgizýshi kýáligi joq kámeletke tolmaǵan jasópirim basqarǵan. Ol kóliktiń zańdy ıesi — ápkesiniń ruqsatynsyz alǵan.

Polıtsııanyń málimetinshe, jasóspirim men kóliktiń ıesi QR Ákimshilik quqyq buzýshylyq týraly kodeksiniń birneshe baby boıynsha ákimshilik jaýapkershilikke tartylǵan. Avtokólik arnaıy aıyp turaǵyna qamaldy.

Polıtseıler ata-analardy balalarynyń is-áreketine muqııat bolýǵa jáne ruqsatsyz kólik júrgizýine jol bermeýge shaqyrady. Mundaı saparlar jasóspirim úshin de, jol qozǵalysynyń basqa qatysýshylary úshin de aýyr zardaptarǵa ákelýi múmkin.

Aıta keteıik, Soltústik Qazaqstan oblysyndaǵy trassada jol-kólik oqıǵasy bolyp, bir adam kóz jumdy.