Tarazda kólik apatynan joldyń jıeginde júrgen kóshe tazalaýshy kóz jumdy
TARAZ. QazAqparat – Taraz qalasynda eki kólik apatynan jol jıegindegi kóshe tazalap júrgen áıel ajal qushty, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Taraz qalasy polıtsııa basqkarmasynyń Jedel basqarý ortalyǵynyń «102» kezekshi bóliminiń basqarý pýltine ál-Farabı-Nıetqalıev kósheleriniń qıylysynda bolǵan jol-kólik oqıǵasy týraly qońyraý kelip túsken.
«BMW-520 jáne Volkswagen Passat kólikteri soqtyǵysty. Mashınalardyń biri joldyń shetine júrgen áıeldi qaǵyp ketti. Qatty soqqydan áıel oqıǵa ornynda kóz jumdy»,-delingen vedomstvo habarlamasynda.
Atalǵan fakti boıynsha QR Qylmystyq kodeksiniń 345-baby 3-bóligi boıynsha sotqa deıingi tergeý bastaldy.
