Tarazda qoǵamdyq orynda qorqor tartqan 23 adamǵa aıyppul salyndy

TARAZ.QazAqparat – Tarazda qoǵamdyq orynda kalıan shekkeni úshin 23 adamǵa aıyppul salyndy, dep habarlaıdy QazAqparat tilshisi.

Tarazdyq polıtseıler oıyn-saýyq mekemelerinde reıd ótkizdi.

«19 oıyn-saýyq mekemesin tekserý barysynda QR Ákimshilik kodeksiniń 441-baby boıynsha 23 zańbuzýshylyq anyqtaldy. Ol úshin 15 AEK aıyppul qarastyrylǵan. Kóńil kóterý mekemeleriniń ıelerine qoǵamdyq oryndarda temeki ónimderi men kalıandy paıdalanýǵa tyıym salý týraly eskertý paraqtary taratyldy» delingen habarlamada.

Reıd barysynda polıtseıler qoǵamdyq orynda kalıan shegýge tyıym salý týraly aqparat paraqtaryn taratty.

Sonymen qatar Taraz qalasyndaǵy kafe-barlardyń ákimshiligine Ákimshilik quqyq buzý kodeksiniń birqatar baptary boıynsha ákimshilik jaýapkershilik bar ekenin eskertti.