Tarazda qoǵamdyq kólik jaıaý júrginshini qaǵyp ketti
TARAZ. QazAqparat – Taraz qalasynda qoǵamdyq kólik 58 jasar turǵyndy qaǵyp ketti, dep habarlaıdy QazAqparat tilshisi.
Aǵymdaǵy jyldyń 11 qarashasynda tańǵy saǵat 08:50 shamasynda Taraz qalasynda marshrýttyq avtobýstyń 22 jastaǵy júrgizýshisi 58 jastaǵy jaıaý júrginshi áıeldi qaǵyp ketti.
Jambyl jáne Tóle bı dańǵyldarynyń qıylysynda oryn alǵan. Bul týraly oblystyq polıtsııa departamentiniń baspasóz qyzmeti habarlady.
«Soqtyǵysýdyń saldarynan áıel oqıǵa ornynda qaıtys boldy.
Atalǵan derek boıynsha QR QK-niń 345-baby 3-bóligi boıynsha sotqa deıingi tergeý bastaldy. Sot-medıtsınalyq saraptamasy taǵaıyndaldy»,-delingen habarlamada.
Kúdikti Taraz qalasynyń ýaqytsha ustaý ızolıatoryna qamalǵan.
Polıtsııa QR QІJK-niń 201-baby negizinde tergeý múddesinde istiń mán-jaıy jarııa etilmeıtingin málimdedi.
