Tarazdaǵy mektep-ınternatta qyz balany qorlaǵan sát kameraǵa túsip qalǵan

TARAZ. KAZINFORM — Kameraǵa ilikken kadrlarda birneshe jasóspirimniń qyzdy súırep aparyp, dárethana kabınasyna kirgizgeni anyq kórinedi. Keıin basqa balalar esikti ashyp-japqanda qyz balanyń shalbaryn kııýge tyrysyp jatqany, al aınalasynda jasóspirimderdiń toptalyp turǵany túsip qalǵan.

Qorlaý áreketi jazylyp qalǵan beınejazba birneshe kún buryn áleýmettik jelilerde paıda bolyp, qoǵamda rezonans týdyrdy. Alaıda búgin Tarazdaǵy keıbir pablıkter belgisiz sebeptermen vıdeony óshire bastady. Soǵan qaramastan, aqparat quzyrly organdarǵa jetip úlgerdi. 

Jambyl oblysynyń bilim basqarmasy bul oqıǵa Taraz qalasyndaǵy kópbalaly jáne turmysy tómen otbasylardyń balalaryna arnalǵan N. Tilendıev atyndaǵy mektep-ınternatta bolǵanyn rastady. Mamandar tarapynan oqıǵanyń mán-jaıyn anyqtaý jumystary júrgizilgen.

– 2025 jylǵy 5 sáýirde bolǵan oqıǵa boıynsha mektep-ınternattyń jaýapty qyzmetkerlerine tártiptik jaza qoldanyldy. Oqıǵa týraly quzyrly organdarǵa ýaqtyly habarlamaǵany úshin mektep-ınternat dırektory da Eńbek kodeksine sáıkes tártiptik jaýapkershilikke tartyldy. Sonymen qatar, dırektorǵa qatysty ákimshilik quqyqbuzýshylyq týraly is qozǵaý úshin Jambyl oblysy Bilim sapasyn qamtamasyz etý departamentine usynys joldandy, – dep habarlady basqarmadan.

Qazirgi ýaqytta polıtsııa qyzmetkerleri bul oqıǵaǵa quqyqtyq baǵa berý jumystaryn júrgizip jatyr.

Buǵan deıin Tarazda oqýshynyń anasyna balasynyń býllıng áreketi úshin aıyppul salyndy.

Aıta keteıik, 1 qyrkúıekten bastap elimizde «DosbolLIKE» antıbýllıngtik baǵdarlamasy iske qosylady.