Tarazda qyz alyp qashpaq bolǵan jigitter sottaldy
Taraz qalasynyń №2 sotynyń sheshimimen Mańǵystaý jáne Aqtóbe oblystarynyń azamattary qyz alyp qashqany úshin sottaldy, dep habarlaıdy Kazinform.
Jambyl oblysy prokýratýrasynyń málimetinshe, 2022 jyldyń kókteminde J. esimdi azamat ortaq tanystary arqyly A. esimdi qyzben tanysqan. Birneshe kezdesýden keıin, qyz qarym-qatynasty odan ári jalǵastyrýdan bas tartqan. Alaıda soǵan qaramastan, J. esimdi azamat qyzǵa úılený úshin alyp qashý týraly sheshim qabyldaǵan.
2023 jyldyń aqpan aıynda Tarazǵa kelip, J. esimdi azamat pen dosy birge óz josparyn júzege asyrýǵa kirisip, qyzdy aldap, kólikke kúshpen otyrǵyzyp, qaladan alyp ketýge tyrysqan.
Kórshiler qyzdyń kómekke shaqyrǵanyn estip, polıtsııa qyzmetkerlerine júgingen.
«Polıtsııa jedel áreket etip, kúdiktilerdiń kóligin ustady. 21 qyrkúıek kúni Qylmystyq kodekstiń 125-baby 2-bóliginiń 1-tarmaǵy boıynsha sot úkimimen ekeýi de – qyzǵa úılenýge nıetti jigit pen onyń dosy kináli dep tanylyp, 7 jylǵa bas bostandyǵynan aıyryldy. Úkim zańdy kúshine engen joq», – delingen habarlamada.
