Tarazda kitaphanashysy joq kitaphana ashyldy

TARAZ. QazAqparat - Taraz qalasynda kitaphanashysy joq kitaphana ashyldy. Onda oqyrmandar ózine unaǵan shyǵarmasyn qajetti qujatsyz-aq alyp, oqyp, keıin qaıta tapsyra alady, dep habarlaıdy QazAqparat.

«Jambyl - adaldyq alańy» jobasy negizinde qolǵa alynǵan bastama Shoqan Ýálıhanov atyndaǵy oblystyq ámbebap ǵylymı kitaphana janynan ashylyp otyr. Basty maqsat - sybaılas jemqorlyqqa qarsy mádenıetti qalyptastyryp, oqyrman jaýapkershiligin arttyrý. Jan azyǵyn syılaıtyn ordadan kitapsúıer qaýym 300-den astam túrli janrdaǵy shyǵarmalardy taba alady.

«Eshqandaı kitaphanashynyń kómeginsiz-aq kitapty alyp, ony qaıtadan óz ornyna ákelip qoıý qajet. Maqsat - adal oqyrmandy, adal bolashaqty qalyptastyrý. Mysaly men búgin Narsha Qashaǵanulynyń kitabyn aldym, eshqandaı qujat tapsyrǵan joqpyn», - deıdi qala turǵyny Ardaq Sapıbýlla.