Tarazda kilt jutyp qoıǵan bala aman qaldy
TARAZ. QazAqparat – Tarazdyq dárigerler kiltti jutyp qoıǵan balany qutqardy, dep habarlaıdy QazAqparat tilshisi.
Ata-anasynyń aıtýy boıynsha, olar ne bolǵanyn birden túsinbegen. Bir aptadan soń, bala jylaı bastaǵanda ǵana kómekke jedel járdemdi shaqyrǵan.
Mamandar birden sábıdi oblystyq kópbeıindi balalar aýrýhanasyna jetkizip, rentgen apparatyna túsirdi. Qurylǵy arqyly dárigerler búldirshinniń aǵzasynda bógde zattyń bar ekendigin baıqaǵan. Aq halattylardyń biliktiligi men mol tájirıbesiniń arqasynda gastroskop qurylǵynyń kómegimen bir jastaǵy búldirshinniń asqazanyndaǵy kilt sátti alynyp tastaldy.
«Biz bir jastaǵy balanyń asqazan-ishek jolynan bóten deneni alyp tastadyq. Álgi zat kilt bolyp shyqty. Balany aýrýhanaǵa oqıǵa oryn alǵan sátten bir apta ótkennen keıin alyp kelse de, biz hırýrgııa bóliminde otany sátti jasadyq», - dedi hırýrgııa bóliminiń dárigeri Máýlen Kenjaly.
«Otadan soń sábıimniń jaǵdaıy jaqsaryp, ómirge qaıta kelgendeı boldy. Onyń ómiri úshin kúresken barlyq aq halattylarǵa alǵys bildiremin», - deıdi anasy.
Búginde balanyń jaǵdaıy jaqsaryp, úıine shyǵaryldy.
Dárigerler qaýipsizdik sharalaryn saqtaýǵa, balalardy qaraýsyz qaldyrmaýǵa, sondaı-aq, bala jutyp qoıýy múmkin usaq zattardy onyń qoly jetpeıtin jerge qoıýǵa keńes beredi.
