Tarazda keshki jetiden tańǵy 7.00 deıin kóshege shyǵýǵa tyıym salyndy
TARAZ. QazAqparat - Tarazdyń ortalyq alańyn muzdaı qarýlanǵan arnaıy áskerı jasaq baqylap tur, dep habarlaıdy 24.kz.
Keshe búlikshiler qalalyq ákimdikti basyp almaq boldy. Alaıda olarǵa áskerıler toıtarys berdi.
Buǵan deıin búlikshiler oblystyq polıtsııa departamenti, oblystyq ákimdik, qalalyq nómiri birinshi polıtsııa bólimin tas-talqan etip qıratyp, órtep jibergen.
Nur Otan partııasynyń ǵımaraty áli janyp jatyr. Órtti sóndirýge birneshe tehnıka jumyldyrylǵan. Jaǵdaıdy baqylaýda ustap tur.
Óńirde komendanttyq saǵat engizildi. Bul oblysta keshki saǵat jetiden tańǵy jetige deıin beıbereket júrgender jaýapqa tartylady.
Qazir 11 jerde blokpost qoıyldy.
Beketterge 4 ret qarýly shabýyl jasalǵan. Bul týraly oblys ákiminiń baspasóz qyzmeti habarlady.
Búlingen ǵımarattardy qalpyna keltirý jumystary erteń bastalady. Búgin merdigerlermen kelissózder júrgizildi.
