Tarazda «Qazaqstandyq Barysty» saltanatty túrde qarsy aldy
TARAZ. 26 qyrkúıek. QazAqparat - Tarazda Astana qalasynan jeńispen oralyp, «Qazaqstan Barysy-2012» ataǵyn ıelengen jambyldyq palýan Beıbit Ystybaevty saltanatty túrde qarsy aldy.
Jambyl oblystyq ákimdiginiń týrızm, sport jáne deneshynyqtyrý basqarmasynan habarlaǵandaı, astanalyq «Saryarqa» velotrekinde Qazaqstan Respýblıkasy Prezıdenti N.Nazarbaevtyń júldesi úshin ótken qazaq kúresi boıynsha respýblıkalyq jarysqa 30-dan astam qazaqstandyq palýan qatysty.
Jarystyń basty júldesi - altyn belbeý, «Altyn taıtuıaq» kýbogy, sondaı-aq 150 myń AQSh dollar somasyna sertıfıkat pen avtomobıl.
Aqtyq jarysta 2011 jylǵy jarystyń kúmis jáne qol júldegerleri Beıbit Ystybaev (Jambyl oblysy) pen Shalqar Jolamanov (ShQO) kezdesti.
Beıbit Ystybaevtyń aıtýynsha, ol óziniń jeńisin jerles jambyldyqtar men ata-anasyna arnaǵan.
Eldiń úzdik palýanyn tarazdyq jattyqtyrýshy Eldos Dalabaı baptady. 27 jastaǵy jambyldyq palýannyń boıy 193 sm, salmaǵy 135 keli, qazaq kúresi boıynsha halyqaralyq sport sheberi, Azııa chempıony.
