Tarazda Qazaqstan teatrlarynyń XVIII respýblıkalyq festıvali ótedi

Osy mádenı is-sharaǵa elordanyń Q.Qýanyshbaev atyndaǵy Qazaq mýzykalyq drama teatry da qatysyp, óz ónerlerin ortaǵa salmaq.

Atalǵan teatrdyń baspasóz qyzmetiniń habarlaýynsha, aǵymdaǵy jylǵy festıval Uly Otan soǵysy jeńisiniń 65 jyldyq mereıtoıyna arnalǵaly otyr. Mádenı is-shara barysynda elordalyq ujym kórermen nazaryna A.Dýdarevtiń «Kesh» dramalyq spektaklin usynatyn bolady.

Premerasy naýryzdyń 5-inde ótken qoıylymda keleshegi joq búgingi aýyldyń kúıi, onda tek balalarynan hat-habar kútetin qarttar ǵana qalǵandyǵy somdalady. Olardyń bar ermekteri - qudyqtan sý tartý. Osy spektakldi tamashalaı otyryp, Jaratýshynyń adamdy jer betine jiberýiniń maqsaty - judyryqtaı júreginiń jylýymen osynaý sýyq dúnıeni jylytý eken-aý degen oıǵa qalasyz.