Tarazda qatty jelden úıdiń shatyry ushyp, aǵashtar qulady
Jambyl oblysy aýmaǵynda 19 aqpanda kúndiz soqqan jeldiń jyldamdyǵy ár aýmaqta 23-28 m/s, 30 m/s-ti qurap, keı jerlerde odan da asyp túsken.
«Qazirgi ýaqytta Taraz qalasynyń 15 shaǵyn aýdanynda bes qabatty turǵyn úıdiń shatyrynyń ushyp ketkendigi týraly habarlama kelip tústi, qatty jeldiń saldarynan búlingen shatyrdyń aýmaǵy 1500 sharshy metrdi quraıdy. Shatyr 300 metrge deıin ushyp baryp, №14 úıdiń aýlasyna qulaǵan. Saldarynan atalǵan úıdegi 3 balkon búlingen jáne 4 jeńil avtokólik astynda qalǵan. Sondaı-aq, Jambyl dańǵyly boıyndaǵy 5 qabatty turǵyn úıdiń shatyrynyń bir qanatynyń qulaýy tirkeldi»,- delingen oblystyq tótenshe jaǵdaılar departamentiniń baspasóz qyzmetiniń habarlamasynda.
Budan bólek, áleýmettik jelide taraǵan vıdeolardan qalanyń ár aýmaǵynda aǵashtardyń qulaǵanyn ańǵarýǵa bolady.
