Tarazda kásipkerlerge berilgen jer ýchaskeleri ıgerilmeı qalǵan

NUR-SULTAN. QazAqparat – Tarazda kásipkerlerge berilgen jerler ıgerýsiz qalǵan. Olar memleket menshigine qaıtaryldy. Bul týraly BAQ ókilderimen ótken kezdesýde Jambyl oblysynyń ákimi Nurjan Nurjigitov málim etti, dep habarlaıdy QazAqparat tilshisi.

«Aǵymdaǵy jyly Taraz qalasy ákimdigimen kásipkerlik maqsatta berilip, ıgerýsiz qalǵan 200 jer ýchaskesi anyqtalyp, memleket menshigine qaıtaryldy», - dedi oblys ákimi.

Budan bólek Nurjan Nurjigitov bıylǵy jarty jyldyqta jambyldyq kásipkerlerge berilgen nesıelerdiń kólemine toqtaldy.

Onyń aıtýynsha, 6 aıda bıznes sýbektilerine 10,5 mlrd teńge shaǵyn nesıe berilgen. Al, 2 myńnan astam azamatqa 3,3 mlrd teńge grant bólinipti.