Tarazda kásipker azamat túrmege esirtki alyp kirmek boldy
ASTANA. QazAqparat - Taraz qalasyndaǵy túzeý mekemeleriniń birine esirtki alyp kirmek bolǵan kásipker qolǵa tústi, dep habarlaıdy QazAqparat QR ІІM Qylmystyq atqarý júıesiniń baspasóz qyzmetine silteme jasap.
Baspasóz qyzmeti taratqan málimetterge qaraǵanda, tótenshe qaýipsiz mekemesiniń qyzmetkerlerinen qýlyǵyn asyrmaq bolǵan kásipker jazasyn óteýshilerge 400 gramm estirkimen qatar uıaly telefon da jibermek bolǵan.
Jambyl oblysy boıynsha QAJ departamentiniń bastyǵy Mırjan Smaǵulovtyń sózinshe, JD-158/7 mekemesiniń tintý bólmesinde QAJ qyzmetkerleri jeke kásipkerdiń óndiristik maqsatta jetkizgen túrli materıaldaryna tekserý júrgizip jatyp, lakqa arnalǵan eki metal ydysqa erekshe nazar aýdarady. Tekserý barysynda lak toltyrylǵan ydystyń eki túbi bar ekendigi anyqtaldy. Ydystyń bir jaǵynan polıetılen qapqa oralǵan esirtki, ekinshi túbinen qýattaǵyshy bar uıaly telefon shyqqan.
«Hımııalyq saraptama alynǵan zattardyń arasynda 400 gramm marıhýana bar ekendigin anyqtady. Atalǵan fakti boıynsha jınaqtalǵan materıaldar protsestik sheshim qabyldaý úshin quzyrly organdarǵa joldandy»-dedi M.Smaǵulov.
