Tarazda qasaqana órtelgen úıdiń ishinde áıel kóz jumdy
TARAZ. KAZINFORM — 30 shilde túngi 22:59 kezinde Taraz qalasyndaǵy «Shalǵaı Qarasý» shaǵynaýdanynda ornalasqan jeke turǵyn úıden órt shyqty.
Aýmaǵy 100 sharshy metrdi quraǵan jalyndy sóndirýge órt sóndirý qyzmetiniń 15 adamy, 4 tehnıka jumyldyryldy.
«Órt 23:32–de sóndirildi. Órt ornynan 1 gaz ballony shyǵaryldy. Jedel járdem kóligimen termııalyq kúıikpen aýyr jaǵdaıda 1980 jyly týǵan áıel adam aýrýhanaǵa jetkizildi. Órttiń aldyn ala sebebi — qasaqana órteý. Osy órtke qatysty jınalǵan qujattar ekinshi polıtsııa bólimine berildi. Órt-tehnıkalyq saraptama taǵaıyndaldy», — delingen oblystyq TJ departamenti baspasóz qyzmeti taratqan relızde.
Alaıda kúıik shalǵan áıeldiń búgin tańerteń kóz jumǵany belgili boldy.
«1980 jyly týǵan naýqas Taraz qalalyq kópsalaly aýrýhanasynyń jansaqtaý bólimine 2-3-4 dárejeli termııalyq kúıikpen 30 shilde kúni saǵat 23.24-te kelip tústi. Kúıik deneniń 98 paıyzyn shalǵan. Tynys alý joldarynyń kúıigi — 2-3 gradýs. Naýqas 31 shilde kúni tańǵy saǵat 07:10–da qaıtys boldy», — delingen oblystyq densaýlyq saqtaý basqarmasy baspasóz qyzmetiniń bergen aqparatynda.
