Tarazda qarýly qylmyskerlerdi tutqyndaǵan kúzetshiler marapattaldy
TARAZ. QazAqparat - Polıtseıler qarýly qylmyskerlerdi tutqyndaý barysynda erlik tanytqan Tarazdaǵy kúzet agenttiginiń eki qyzmetkerin marapattady, dep habarlaıdy «QazAqparat» HAA tilshisi.
Jymbyl oblystyq ІІD bastyǵynyń orynbasary Qasym Dosanov Aqtilek Ábdiǵalı men Rýstam Abıdovty alǵys hatpen marapattady.
«Oqıǵa 7-nen 8 naýryzǵa qaraǵan túni oryn aldy, - dep túsindirdi oblystyq ІІD baspasóz qyzmetinde. - Kúzetshiler «Baǵyt» avtomektebiniń aýmaǵynda dabyl júıesi iske qosylǵany týraly sıgnal alady. Atalǵan jerge kelgen soń, ekeýi ekige bólinedi - Rýstam Abıdov kásiporynnyń ákimshilik ǵımaratyn, al Aqtilek Ábdiǵalı aýmaqtaǵy boksty tekserýdi uıǵarady. Aqtilektiń aldynan tapanshasy bar qarýly jigit shyǵyp, oǵan oq jaýdyrady. Onyń sol jaq ıyǵyna oq tıip, jaraqat alady. Sol jerde tóbeles bolyp, ekinshi qylmysker Ábdiǵalıdi kirpishpen urady. Kómekke asyǵyp kele jatqan Abıdovty kórgen olar izin sýytpaq bolady, alaıda qylmyskerdiń bireýin ustaıdy. Ekinshi qylmyskerdi óndiristik bokstan tabady».
27 jáne 24 jastaǵy Taraz turǵyndaryn ustaǵan kúzetshiler polıtsııa men jedel járdem shaqyrady. Aqtilek Ábdiǵalıǵa jedel medıtsınalyq kómek kórsetildi. 
