Tarazda qarý qoldanyp, dárihana tonaǵandar ustaldy

TARAZ. QazAqparat – Tarazda qarýmen dárihana tonaǵandar ustaldy, dep habarlaıdy QazAqparat tilshisi.

Eske salaıyq, 25 naýryz keshkisin qaladaǵy shaǵyn aýdandardyń birindegi dárihanaǵa medıtsınalyq maska taqqan belgisiz eki adam basyp kirgen. Tapanshaǵa uqsas qarýmen qorqytyp, kassadan 37 myń teńgeni urlap ketken. Polıtsııanyń jeke quramy olardy izdeýge kirisip, kúdiktilerdi ustady.

Jambyl oblystyq polıtsııa departamenti baspasóz qyzmetiniń habarlaýynsha, jedel-izdestirý sharasynyń nátıjesinde polıtseıler urylardy izin sýytpaı taýyp, eki kúdiktini ustaǵan. Olar 17 jastaǵy oblys ortalyǵynyń turǵyndary bolyp shyqty. Qazirgi ýaqytta olar kinálaryn tolyq moıyndap, ýaqytsha ustaý oqshaýlaǵyshyna qamaldy. QR QK 192-baby 3-bóligi 4-tarmaǵy boıynsha sotqa deıingi tergeý bastaldy.

Galına Skrıpnık