Tarazda qaraýsyz qalǵan ǵımarattan jasyryn qarý-jaraq orny tabyldy
19 qańtarda oblystyq ekstremızmge qarsy is-qımyl basqarmasy qyzmetkerleri júrgizgen izdestirý is-sharalary barysynda Taraz qalasyndaǵy qaraýsyz turǵan jer telimderiniń birindegi ǵımarattan jasyryn qarý-jaraq orny tabyldy.
Tabylǵan orynnan qańtar oqıǵasy kezinde polıtsııa departamentinen urlanǵan 12-shi kalıbrli Masai Mara tegis uńǵyly biraýyzdy ańshy myltyǵy, 18h45mm kalıbrli Strajnık MR-461 travmatıkalyq tapanshasy, 4,5mm kalıbrli Gamo PT-80 pnevmatıkalyq tapanshasy, 5,45h18mm kalıbrli 179 dana oq-dári alyndy.
Qazirgi ýaqytta atalǵan derekke qatysty QR QK-niń 287-baby 3-bóligimen (Qarýdy, oq-dárilerdi zańsyz ıemdený, jasaý, berý, saqtaý) sotqa deıingi tergeý amaldary bastaldy.
«Barlyq qarýlarǵa sot-ballıstıkalyq saraptamasy taǵaıyndaldy. Jyl basynan beri jambyldyq polıtseıler ártúrli kalıbrli 21 birlik qarý men myńnan astam oq-dári taýyp, tárkiledi»,-delingen saıttaǵy materıalda.
Foto: polisia.kz