Tarazda qaraýsyz ǵımarattan qarý-jaraq pen oq-dáriler tabyldy
25 sáýir kúni Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerlerimen «Qarý» jedel-aldyn alý is-sharasyn ótkizý barysynda Taraz qalasyndaǵy temirjol deposynyń janynda ornalasqan qaraýsyz qalǵan ǵımarattyń aýmaǵynan qarý-jaraq pen oq-dáriler tapty.
Polıtseıler 16 kalıbrli «IJ-18» markaly bir uńǵyly ańshy myltyǵyn, patronsyz «TT» markaly tapansha jáne ártúrli kalıbrli 189 birlik patron taýyp, tárkiledi.
«Osy derekke qatysty sot-ballıstıkalyq saraptamasy taǵaıyndaldy. Sondaı-aq qazirgi ýaqytta osyǵan baılanysty QR QK 287-babynyń 3-bólimi (Qarýdy oq-dárilerdi jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boıynsha sotqa deıingi tergep-tekserý amaldary bastaldy. Osy baptyń sanktsııasy bes jylǵa deıingi merzimge bas bostandyǵynan aıyrý túrindegi jazany qarastyrady», - dep atap ótti Polıtsııa departamenti Esirtki qylmysyna qarsy is-qımyl basqarmasynyń bastyǵy polıtsııa podpolkovnıgi Álim Bajyqbaev.