Tarazda karantın talaptaryn buzǵan toıhanalar anyqtaldy
TARAZ. QazAqparat – Jambyl oblysynda sanıtarlyq talaptardy saqtamaǵan kásipkerlik nysandary, onyń ishinde toıhanalar men kafeler jabylady, dep habarlaıdy QazAqparat tilshisi.
Taraz qalasynda 10-11 qazan kúnderi kúndizgi jáne túngi reıd barysynda 49 nysan tekserilip, karantın talabyn buzǵandarǵa hattama toltyryldy. Olardyń qatarynda «Grand roıal», «Ydyrys», «Sevınch», «Baq bereke» toıhanalary da bar. Bul týraly qala ákimdiginiń baspasóz qyzeti habarlady.
«Meıramhanalar, túngi klýbtar jáne basqa da kásipkerlik mekemeler sanıtarııa talaptaryn qatań saqtaýy tıis. Eger de, eskertý jasalǵannan keıin qaıtalap buzý jaǵdaılary oryn alsa, kásipkerlik nysandaryn jabatyn bolamyz. Al, qala turǵyndary mindetti túrde maska rejımi men araqashyqtyqty ustaný kerek»,-delingen habarlamada.
Sonymen qatar, oblys aýdandarynda da mobıldik toptar kúndizgi reıdte 100-den astam nysandardy aralap, túngi reıdte 80-nen astam kásipkerlik obektilerdi tekserdi. Olardtsyń qatarynda meıramhanalar, kafeler men dúkender de bar.
