Tarazda karantın talabyn buzǵan resto-bar men túngi klýb jabyldy
TARAZ. QazAqparat – Jambyl oblysynyń ortalyǵy Taraz qalasynda karantın talaptaryn saqtamaǵan resto-bar men túngi klýbtyń jumysy toqtatyldy, dep habarlaıdy QazAqparat tilshisi.
Elimizde pandemııa bastalǵan ýaqyttan beri úkimet halyqty COVID-19 ınfektsııasynan qorǵaý sharalaryn qabyldady.
Elde karantın engizilgen soń, buqaralyq is-sharalar, merekeler men toı̆lardy ótkizýge tyı̆ym salyndy. Bul vırýstyń taralýyna tosqaýyl múmkindik berdi.
Sol sekildi Taraz qalasy boı̆ynsha monıtorıngtik toptar sanıtarlyq-epıdemıologııalyq talapty buzǵan meı̆ramhanalar men dámhanalardyń ıelerine qatysty ákimshilik hattama toltyrdy.
Jalpy 259 hattama toltyrylyp, onyń 244-i sotqa joldandy jáne taǵy 15 hattama óńdeý satysynda tur. Bul týraly qala ákiminiń baspasóz qyzmeti habarlady.
«Jalpy restoratorlar bıýdjetke 51 761 500 teńge tóledi. Alaı̆da, meı̆ramhana ıeleri toltyrylǵan hattamaǵa qaramastan karantın talaptaryn buzýdy jalǵastyrǵan jaǵdaı̆lar da boldy. Bul - jastar arasynda keń tanymal «Salvador» resto-bary men «Fashion M Club» túngi klýby» delingen habarlamada.
Osyǵan baı̆lanysty Jambyl oblysynyń mamandandyrylǵan aýdanaralyq ekonomıkalyq sotynyń sheshimimen oblys aýmaǵynda karantın alynǵanǵa deı̆in atalǵan qoǵamdyq nysandardyń jumysy toqtatyldy.
Sot sheshimi zańdy kúshine 10 táýlikte enedi.
