Tarazda karantın kezinde betashar jasalǵan
TARAZ. QazAqparat – Taraz karantınge qaramaı betashar jasaǵan turǵyn anyqtaldy,- dep habarlaıdy QazAqparat tilshisi.
Jambyl oblysynda Qazaqstan Respýblıkasynyń Bas memlekettik sanıtarııalyq dárigeriniń qoldanystaǵy Qaýlysynyń talaptaryn oryndaý boıynsha jumystar jalǵasýda.
Karantın talaptaryn elemeı, maskalyq rejımdi jáne áleýmettik ara qashyqty saqtamaı, merekelik sharalar uıymdastyrýshylardyń qarasy áli sıreıtin emes.
Máselen, Taraz qalalyq polıtsııa bóliminiń qyzmetkerleri mobıldi toppen birlese otyryp, 40-tan astam qonaq shaqyrylǵan, betashar toıyn ótkizý deregin anyqtady. Polıtsııa karantındi buzýshylarǵa túsindirý sharalaryn júrgizip, vırýs juqtyrý qaýpi, jaqyndarynyń densaýlyǵyn qorǵaý maqsatynda mundaı sharalarǵa jol bermeý týraly eskertti.
«Іs-sharany uıymdastyrýshyǵa qatysty QR ÁQBtK-niń 425-baby «Halyqtyń sanıtarlyq-epıdemıologııalyq salaýattylyǵy salasyndaǵy zańnamanyń talaptaryn, sondaı-aq gıgıenalyq normatıvterdi buzý» boıynsha ákimshilik hattama jasaldy. Jınalǵan materıaldar zańdy sheshim qabyldaý úshin taýarlar men qyzmetterdiń sapasyn jáne qaýipsizdigin baqylaý basqarmasyna joldandy»,-delingen oblystyq Polıtsııa departamentiniń baspasóz qyzmetiniń habarlamasynda.
