Tarazda qaraqshylyq jasaǵandar basqa qalalardan ustaldy
TARAZ. QazAqparat -Osydan tórt aı buryn Taraz qalasynda qaraqshylyq shabýyl jasaǵandar Nur-Sultan jáne Almaty qalalarynan quryqtaldy, dep habarlaıdy QazAqparat tilshisi.
«Arnaıy qurylǵan jedel toptar kúdiktilerdi anyqtap, izderine túsken bolatyn. Olardyń turǵylyqty jerin taýyp, Nur-Sultan jáne Almaty qalalarynan 1981 jáne 1989 jyly týǵan Almaty oblysynyń eki turǵynyn ustady. Qazirgi ýaqytta kúdiktiler tergeý ızolıatoryna qamaldy»,- dedi Polıtsııa departamentiniń baspasóz qyzmetiniń jetekshisi Gúlsara Muhtarqulova.
Eske sala keteıik, aǵymdaǵy jyldyń 15 aqpanyna qaraǵan túni Taraz qalasynyń ortalyǵynda ornalasqan «TarazPetrolServıs» jaýapkershiligi shekteýli seriktestiginiń keńsesine shabýyl jasalǵan bolatyn. Shabýyl jasaǵandar kúzetshini uryp-soǵyp, baılap, aqsha izdeýge kirisken, alaıda seıfterde aqsha bolmaǵan soń qyzmetkerlerdiń jeke zattaryn urlap ketken bolatyn.
