Tarazda qaraqshylar tonaýǵa bir aı daıyndalyp, bir táýlikte ustalyp qalǵan
TARAZ. QazAqparat - Búgin Jambyl oblystyq ІІD bastyǵy, polıtsııa polkovnıgi Arman Orazalıev brıfıngte qylmystardyń aldyn alý boıynsha jambyldyq polıtseılerdiń jumysy týraly aıtty, dep habarlaıdy QazAqparat tilshisi.
«Taıaýda biz bir táýliktiń ishinde qylmystyq isti áshkereledik. Tarazda bir otbasyna shabýyl jasap, tonaǵan 4 qala turǵyny ustaldy. Anasy men qyzy altyn buıymdar satýmen aınalysqan. Shabýyl barysynda olar jeńil jaraqat alǵan. Anasyn shańsorǵyshtyń symymen baılap, 4 mln teńgeden astam somadaǵy altyndaryn alyp ketken», - dedi Arman Orazalıev.
Jambyl garnızonynyń basshysy atap ótkendeı, 23-35 jas aralyǵyndaǵy kúdiktiler bir aı boıy qylmysqa daıyndalǵan. Qurbandardy tańdap, kamýflıaj kıimin, qolǵaptar, maskalar satyp alǵan.
«Qazir tergeý barysynda olardyń osy tektes birneshe qylmys jasaýdy josparlaǵany anyqtaldy. ıAǵnı, bizdiń polıtsııa qyzmetkerleri tek qylmysty áshkerelep qana qoımaı, onyń aldyn aldy. Bizdiń basty mindetterimizdiń biri - qylmystyq aldyn alý, oǵan jol bermeý», - dep atap ótti Arman Orazalıev.
