Tarazda qar úsh táýlikten beri tolastamaı tur
TARAZ. QazAqparat - Jambyl oblysynyń aýmaǵynda kún raıy buzylatyndyǵy týraly kezekti eskertý jasaldy, dep habarlaıdy QazAqparat tilshisi.
Tarazda jáne oblys aýdandarynda 17 aqpan kúni bastalǵan qar áli tolastar emes, osy kúnderi bir aılyq mólsherdiń jartysynan astamy tústi. Qardyń qalyńdyǵy 30-40 santımetrdi quraıdy.
Jambyl oblystyq TJD-dan málim etkendeı, aldaǵy táýlikte qardyń túsýi toqtamaıdy. Onymen qosa, jeldiń ekpini 28 m/s-qa deıin kúsheıetin bolady.
«Qazaqavtodor» RMM, oblystyq ІІD ákimshilik polıtsııa basqarmasy jáne tótenshe jaǵdaılar jónindegi aýdandyq bólimshelerdiń kezekshi qyzmetteriniń málimeti boıynsha, Jambyl oblysy aýmaǵyndaǵy respýblıkalyq jáne oblystyq mańyzy bar avtojoldar, Qordaı, Quıyq, Shaqpaq jáne Hantaý ótkelderin qosa alǵanda qozǵalys úshin ashyq tur.
Oblysta elektr jáne gazben qamtamasyz etý turaqty, esh shekteýsiz, dep naqtylady Jambyl oblystyq TJD-dan.
