Tarazda qańtar qyrǵynynda urlanǵan 6 qarý, granatalar men patrondar tabyldy
Jambyl oblysy polıtsııa departamentiniń qyzmetkerleri jappaı tártipsizdik barysynda urlanǵan qarýdy tabý úshin kún saıyn izdestirý jumysyn júrgizedi.
Jedel izdestirý kezinde polıtsııa qyzmetkerleri oblys ortalyǵynyń aýmaǵynan 6 qarý, 3 granata, 5 oq jatar, rezeńke taıaq jáne 216 patrondy tapty.
Qarý-jaraqtyń ishinde granata atqysh, sholaq jáne tegis uńǵyly myltyq, Makarov tapanshasy, MR-355 tapanshasy, soǵys, gaz jáne jaryq-shý granatalary, tapanshanyń 5 oq jatary jáne ártúrli kalıbrli 216 patron boldy.
Tabylǵan qarýlarǵa sot-ballıstıkalyq saraptama taǵaıyndaldy.
Aıta keteıik, qarýdyń, oq-dáriniń, arnaıy quraldardyń qaıda ekenin habarlaǵan nemese olardy polıtsııaǵa óz erkimen tapsyrǵan adam basqa quqyq buzýshylyqtarǵa qatysy bolmasa, qylmystyq jáne ákimshilik jaýapkershilikke tartylmaıdy.
Habarlaǵan adamnyń jasyryn qalýyna kepildik beriledi.
