Tarazda kanaldan áıeldiń denesi tabyldy
TARAZ. QazAqparat - Tarazda sý kanalynan belgisiz áıeldiń denesi tabyldy, dep habarlaıdy QazAqparat tilshisi Jambyl oblystyq TJD baspasóz qyzmetine silteme jasap.
«25 maýsymda 17.18-de Tarazda jergilikti turǵyndar «Bazarbaı» kanalynan azamatshanyń denesin tapty. Qaıtys bolǵan 54 jastaǵy áıeldiń ústinde kıimi bolǵan. Onyń denesin oblystyq TJD jedel-qutqarý jasaǵy sýdan alyp shyqty. 11 qutqarýshy men úsh tehnıka jumyldyryldy», - delingen vedomstvonyń habarlamasynda.
Áıeldiń neden qaıtys bolǵany anyqtalyp jatyr. Sot-medıtsınalyq saraptama taǵaıyndaldy.
