Tarazda KamAZ dúńgirshekti qıratyp, úsh adam zardap shekti
TARAZ. QazAqparat - Tarazda jol apaty boldy. KamAZ eki dúńgirshekti qıratyp, úsh adamdy qaǵyp ketti, dep habarlaıdy QazAqparat tilshisi.
Jambyl oblysy ІІD jol-kólik oqıǵasy 2 aqpan kúni tańerteń Jambyl dańǵylynda, avtovokzaldyń mańynda bolǵanyn málimdedi.
Kýágerlerdiń aıtýynsha, júrgizýshi KamAZ-dy aldynan júgirip ótken qyzdardan buryp áketýge tyrysyp, dámhananyń dúńgirshegin qıratqan.
Jol-kólik oqıǵasynan zardap shekken 14 jastaǵy qyz Jambyl oblystyq aýrýhanasyna jatqyzyldy. Dámhanaǵa materıaldyq shyǵyn kelgen. Adamdar toly aıaldamaǵa zııan kelgen joq. Biraq qırap qalǵan dúńgirshekterdegi eki er adam jeńil jaraqat alǵan.
Arnaýly turaqqa kirgizilgen mashınanyń 22 jastaǵy júrgizýshisin mindetteme negizinde qoıa berdi.
Іs materıaldary QR QK 345-babymen tirkeldi. Sot-medıtsınalyq saraptama belgilendi.
