Tarazda kalıan usynatyn oıyn-saýyq oryndaryna reıd júrgizildi

TARAZ. KAZINFORM – Polıtsııa qyzmetkerleri Taraz qalasynda kalıan usynatyn dámhana-barlarǵa reıd júrgizdi.  

Eki kún ishinde temeki ónimderin (kalıan) tutynýǵa tyıym salýdy buzǵany úshin 20 adam ákimshilik jaýapkershilikke tartyldy. 

«Buzýshylyq derekteri «Vstrecha», «Shıshka», «Mansard», «Eskobar», «Mıata», «Bult», «Janym Sol», «S kaıfom», «MANSARD», «PABLO» oıyn-saýyq oryndarynda anyqtaldy. Olardyń ıelerine jáne qonaqtarǵa ákimshilik hattamalar toltyryldy. Reıd barysynda polıtseıler qoǵamdyq oryndarda kalıan shegýge tyıym salý, veıpter men elektrondyq temeki taratqany úshin qarastyrylatyn qylmystyq jaýapkershilik týraly talaptardy túsindirdi», – delingen oblystyq PD baspasóz qyzmeti taratqan aqparatta.

Aıta keteıik, osy jyldyń 20 maýsymynan bastap Jambyl oblysynyń Polıtsııa departamenti veıpterdi saýdalaǵan azamattarǵa qatysty 3 qylmystyq is qozǵady.

Buǵan deıin Jambyl oblysynda bir kúnde 45 kólik aıypturaqqa qoıylǵanyn jazǵan edik.