Tarazda qaltaǵa túsken urylarmen birge polıtseı ustaldy
TARAZ. QazAqparat - Jambyldyq polıtseıler birneshe ret urlyq jasaǵan qylmystyq topty ustady, dep habarlady ІІD baspasóz qyzmetine silteme jasap «QazAqparat» HAA tilshisi.
«Ázirlik sońǵy úsh aıda júrgizildi, - dep málim etti departamenttiń baspasóz qyzmeti. - Naýryzda qylmystyq is boıynsha qurylǵan jedel tergeý toby uıymdasqan qylmystyq topty áshkerelep, ustady. Olar Taraz ben Jambyl oblystary aýmaǵynda - avtobýs, bazar, adam kóp jınalǵan oryndarda qaltaǵa túsýmen aınalysqan».
Tergeý qylmystyq topty buryn múliktik qylmys jasaǵany úshin birneshe ret sottalǵan M. uıymdastyryp, basqarǵanyn anyqtady. Ol mańaıyna ózi sııaqty buryn sottalǵan úsh adamdy tartqan. Qazirde olardyń barlyǵy ustaldy. Sot sheshimimen «qamaýda ustaý» bultartpaý sharasy qabyldandy.
Qylmystyq toptyń barlyq múshelerine QR QK 262-baby, 188-baby 4-bóliginde kózdelgen aıyp taǵylýda. Ázirge osy topqa baılanysty 15 epızod qaralýda.
«Ázirlik jáne sotaldy tergeý barysynda oblystyń ІІD aýmaqtyq bólimsheleriniń biriniń jedel qyzmet polıtseıi Sh-nyń óz mindetin oryndaýda laýazymdyq ókilettigin teris paıdalanǵan jaǵdaı anyqtaldy. Qyzmetker qazir ustaldy, oǵan qatysty «qamaýda ustaý» bultartpaý sharasy qabyldandy. Qazirgi ýaqytta sotaldy tergeý júrip jatyr», - dedi baspasóz qyzmetinen.
