Tarazda qaldyqtardy qaıta óndeıtin iri zaýyt salynady
TARAZ. QazAqparat – Tarazda jylyna 150,0 myń tonna turmystyq qatty jáne ónerkásiptik qaldyqtardy qaıta óndeıtin zaýyt salynady, dep habarlaıdy QazAqparat tilshisi.
Atalmysh zaýyt QR ındýstrııalyq-ınnovatsııalyq damýynyń 2015-2019 jyldarǵa arnalǵan memlekettik baǵdarlamasy aıasynda amerıkandyq tehnologııa negizinde boı kótermek.
Joba quny 17,0 mıllıard teńgeni qurap otyr. Qurylys kezinde 120 qyzmetker, naqty iske qosylǵanda 150 jumys orny ashylady dep kútilýde.
«Búgingi kúni aldyn ala bıznes-jospar jasalyp, 20 gektar jer ýchaskesi bólindi. 2019 jyldyń 1 tamyzynda «TorgTreid KZ» kompanııasy men «Ekojer» JShS arasynda Taraz qalasynda qoqysty qaıta óńdeý zaýytyn salý jónindegi birlesken qyzmet týraly kelisimge qol qoıylyp, Qazaqstan Respýblıkasy Ulttyq bankpen qarjylyq máseleleri qaralýda»,- deıdi oblystyq tabıǵı resýrstar jáne tabıǵat paıdalanýdy retteý basqarma basshysynyń mindetin atqarýshy Aıbar Ádilbaqov.
