Tarazda qalamger Áldıhan Qaldybaevty eske alýǵa arnalǵan memorıaldyq taqta ashyldy
Qazaq jýrnalısi, jazýshy Áldıhan Qaldybaev bıyl 84 jasqa tolar edi.
Jambyl oblysy Shý aýdany Kerbulaq aýylynyń týmasy joǵary oqý ornyn támamdaǵan soń Qyzylorda oblysy Aral qalasyndaǵy orta mektepte qazaq tili men ádebıeti pániniń muǵalimi bolyp qyzmet atqarǵan. Odan keıin – Jambyl oblystyq radıohabar jáne televıdenıe komıtetiniń redaktory, ádebı qyzmetker, keıin Jambyl oblystyq «Eńbek týy» gazetiniń mádenıet jáne turmys bóliminiń meńgerýshisi boldy. Sodan keıin «Aq jol» dep ózgertilgen osy basylymnyń bas redaktory qyzmetin atqardy. Onyń tusynda oblystyq qazaqtildi gazette talantty jýrnalısterdiń galaktıkasy paıda boldy.
Sonymen qatar, Áldıhan Qaldybaev uzaq jyldar Jazýshylar men Jýrnalıster odaǵynyń oblystyq uıymyn basqardy.
Áldıhan Qaldybaev «Jasyl dóńgelek», «Eki tentek», «Áshirbek sý tasýshy», «Baıshan soldat», «Shanshar ata», «Aıý — meniń dosym», «Ózen jaǵasy», «Soldat bolý ońaı ma?» atty adamgershilikti qýattaıtyn, taǵylymdy, sezimdi tolqytatyn balalarǵa arnalǵan kitaptar jazdy.
Artyna mol mádenı mura qaldyryp, talantty shákirtter tárbıeledń, olardyń kóbi jazýshy-jýrnalıst turǵan úıdegi eskertkish taqtanyń ashylý saltanatyna kelgen.
Jazýshynyń jary Baný Tasbolatova sharada jınalǵan qaýymǵa qalamgerdiń halyqty tárbıeleýge, ulttyq dástúrdi, qundylyqtardy saqtaýǵa úlken kóńil bóletinin aıtty.
«Áldıhan Qaldybaevtyń mektepke deıingi jáne mektep jasyndaǵy balalarǵa arnalǵan shyǵarmalarynyń tárbıelik máni tereń», - deıdi Taraz qalalyq máslıhatynyń tóraǵasy Kenjebek Oljabaı. – Jazýshy, Jambyl oblysynyń qurmetti azamaty esimi el jadynda saqtalady. Kózi tirisinde oqyrmandar súıispenshiligine, jurtshylyqtyń qurmetine bólendi, Jambyl oblysy men Taraz qalasynyń damýyna zor úles qosty».
