Tarazda qala kúnine oraı Jambyl Jabaev eskertkishi ashyldy
TARAZ. QazAqparat - Tarazda qala kúnine oraı oblys ákimdigi ǵımaratynyń aldynda jyr alyby - Jambyl Jabaevtyń eskertkishiniń ashyldy, dep habarlaıdy QazAqparat oblys ákiminiń baspasóz qyzmetine silteme jasap.
Tarıh pen dastanǵa, shejire men ańyzǵa toly, toǵyz joldyń torabyn toǵystyrǵan kıeli Taraz ólkesinen talaı daryn ıeleri shyqqan. Solardyń biri de biregeıi - Jambyl Jabaev.
Eskertkishtiń ashylý saltanatyna oblys ákimi Asqar Myrzahmetov, oblystyq Qoǵamdyq Keńestiń tóraǵasy Jandar Káribaıuly, QR Mádenıet qaıratkeri Álibek Ámzeuly jáne jalpy Taraz jurtshylyǵy qatysty.
Olar óz sózderinde Jambyl qazaqtyq aqyndyq óneriniń qazanynda qaınap, ejelgi aýyz ádebıetiniń káýsarymen sýsyndap, aqyndyq, jyraýlyq dástúriniń XX ǵasyrdaǵy týyn bıikke kótergen uly jyraý ekenin aıtyp, eńseli eskertkishtiń oblys ortalyǵynan oryn alǵany ǵıbratty is bolǵanyn jetkizdi.
